Вторая «Духовная грамота» Ивана Калиты написана в 1328 г., напечатана в «Собрании государственных грамот и договоров», т. I № 22.
Во имя отця и сына и святого духа. Се яз грешный худый раб божий Иван пишу душевную грамоту, ида в Орду, ни кимь не нужен целымь своимь умом, в своемь здоровьи. Аже бог что розгадает о моемь животе, даю ряд сыном своим и княгини своей. Приказываю сыном своим отчину свою Москву; а се есмь им роздел учинил.
Се дал есмь сыну своему болшему Семену: Можаеск со всими волостьми, Коломну со всими Коломеньскими _волостьми, Городенку, Мезыню, Песочну и Середокоротну, Похряне, Усгьмерьску, Брошевую, Гвоздну, Ивани деревни, Маковець, Левичин, Скулнев, Канев, Гжелю, Горетову, Горки, село Астафьевское, село на Северьсце в Похряньском уезде, село Костянтиновское, село Орининьское, село Островьское, село Копотеньское, селце Микульское, село Малаховьское, село Напрудьское у города. А при своемь животе дал есмь сыну своему Семену: 4 чепи золоты, 3 поясы золоты, 2 чаши золоты с женчюги, блюдце золото с женчюгомь, с каменьем, 2 чума золота болшая; а ис судов 2 ис серебрьных дал есмь ему 3 блюда серебрьна. А се даю сыну своему Ивану: Звенигород, Кремичну, Рузу, Фоминьское, Суходол, Великую свободу, Замошьскую свободу, Угожь, Ростовци, Окатьеву свободку, Скирминовьское, Тростну, Негучю; а села: село Рюховъское, село Каменичьское, село Рузьское, село Белжиньское, село Максимовское, село Андреевское, село Вяземьское, село Домонтовьское, село в Замошьской свободе, село Семциньское. А из золота дал есмь сыну своему Ивану: 4 чепи золоты, пояс золот болший с женчюгомь 3 с каменьемь, пояс золот с капторгами , пояс сердоничен 5, золотомь окован, 2 овкача 6 золота, 2 чашки круглый золоты, блюдо серебрьно ездшшьское, 2 блюдци меншии. А се дал есмь сыну своему Андрею: Лопастну, Северьску, Нарунижьское, Серпохов, Нивну, Темну, Голичихи, Щитов, Перемышль, Растовець, Тухачев; а се села: село Талежьское, село Серпоховьское, село Колбасиньское, село Нарьское, село Перемышльское, село Битяговьское, село Труфоновьское, село Ясиновьское, село Коломниньское, село Ногатиньское. А из золота дал есмь сыну своему Андрею: 4 чепи золоты, пояс золот Фрязьский с женчюгомь с каменьем, пояс золот с крюкомь на червьчате шелку, пояс золот Царевьский, 2 чары золоты, 2 чумка золота меншая; а из блюд: блюдо серебрьно, а два малая. А се даю княгини своей с меншими детми: Сурожик, Мушкину гору, Радонежьское, Бели, Воря, Черноголовль, на Вори свободна Софроновьская, Вохна, Дейково , Раменье, Данилищова свободна, Машев, Селна, Гуслиця, Раменье, что было за княгинею; а села: село Михайловьское, село Луциньское, село у озера, село Радонежьское, село Дейгуниньское, село Тыловское, Рогожь, село Протасьевское, село Аристовское, село Лопастеньское, село Ми-хайловское на Яузе, 2 селе Коломеньскии. А из городских волостий даю княгине своей осмничееи; а тамгою и иным волостми городскими поделяться сынове мои: такоже и мыты, который в которого уезде, то тому; а оброкомь городскимь Василцева веданья поделяться сынове мои. А что моих бортников и оброчников купленых, который в которого росписи, то того. А по моим грехом ци имуть искати татарове которых волостий, а отыимуться вам сыном моим и княгини моей, поделити вы ся опять тыми волостми на то месь. А числьныи люди  ведають сынове мои собча, а блюдуть вси с одиного: а что мои люди куплении .в великом свертце, а тыми ся поделять сынове мои. А что золото княгини моее Оленино, а то есмь дал дчери своей' Фетиньи, 14 обручи и ожерелье матери ее, монисто новое, что есмь сковал; а чело и гривну, то есмь дал при собе. А что есмь придобыл золота, что ми дал бог, и коробочку золотую, а то есмь дал княгини своей с меншими детми. А ис чюрт из моих сыну моему Семену кожух черленый женчюжьный, шапка золотая; а Ивану сыну моему кожух желтая обирь с женчюгомь, коць  великий с брмами; Андрею сыну моему бугай соболий с наплечки с великимь женчюгомь с каменьем, скорлатное портище с бармами. А что есмь нынеча нарядил 2 кожуха с аламы с женчюгомь, а то есмь дал меншим детем своим Марьи же Федосьи ожерельем. А что моих поясов серебрьных, а то роздадять по попьям. А что мое 100 рубли у Ески, а то роздадять по церквам. А что ся остало из моих судов из серебрьных, а тым поделяться сынове мои и княгини моя. А что ся останеть моих порт, а то роздадять по всим попьям и на Москве. А блюдо великое о 4 колця, а то даю святей богородици володимерской. А что есмь дал сыну своему Семену стадце, а другое Ивану; а иными стады моими поделятся сынове мои и княгини моя. А опрочь московских сел, даю сыну своему Семену села своя купленая: село Аваковское в Новегороде на Улале, другое в Володимери Борисовское. А что есмь купил село Петровское и Олексиньское, Вседобричь и Павловьское на Масе, половину есмь купил, а половину есмь сменил с митрополитом... а селця на Масе, что есмь купил у Афинея, то даю сыну своему Ивану. А что есмь купил село Варварьское и Мёловьское у Юрьева, что есмь сменил на Матфеищовьское - село, то даю сыну своему Андрею. А что село Павловское бабы нашее купля, и новое селце, что есмь купил, и Олександр святый, что есмь купил на Костроме, то даю княгини своей. А что есмь купил село в Ростове Богородичское, а дал есмь Бориску Воръкову, аже иметь сыну моему которому служити, село будеть за нимь; не иметь ли служити детем моим, село отоимуть. А что есмь прикупил селце на Кержачи у Прокофья у игумна, другое Леонтиевское, третье Шараповское, а то даю святому Олександру собе в поминанье. А приказываю тобе сыну своему Семену братью твою молодшую  и княгиню свою с меншими детми, по боэе ты им будешь печалник 
А кто сю грамоту порушить, судить ему бог. А на се послуси отець мой душевный Ефрем, отець мой душевный Федосий, отець мой ду. шевный поп Давыд.